<body background="http://photos1.blogger.com/blogger/3152/92/320/vdaybg.gif" bgproperties="fixed"><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d9388951\x26blogName\x3dPinay+In+New+Zealand\x26publishMode\x3dPUBLISH_MODE_BLOGSPOT\x26navbarType\x3dBLACK\x26layoutType\x3dCLASSIC\x26searchRoot\x3dhttp://pinaysanz.blogspot.com/search\x26blogLocale\x3den_NZ\x26v\x3d2\x26homepageUrl\x3dhttp://pinaysanz.blogspot.com/\x26vt\x3d8245980876239781403', where: document.getElementById("navbar-iframe-container"), id: "navbar-iframe" }); } }); </script>

Saturday, October 15, 2005

pinutol na kaligayahan

ang ganda naman ng pasalubong sa akin ng pc ko pag-uwi ko.

di ko mapakinabangan.

laging nagba-blackout. nyawa!

para na nyang pinutol ang aking kaligayahan.

haaayyyyy!!!

buti sana kung kagaya ako ng flatmate kong indiano. bili agad ng brand new kapag naiinis. grrrr!!!!

Thursday, October 13, 2005

thank heavens!

tingnan mo nga naman oo... kapag naman po talaga ika'y suswertihin...

nung nakaraang biyernes, napag-utusan akong pumunta sa banko ng amo ko. at malapit lang dun sa banko na iyon yung dating pinagbilihan ko ng lotto kung saan ay chumama ako ng sandamukal na dolyares! sabi ko sa sarili ko, ahh... masubukan nga ulet at baka chumama ako ay mapagamot ko na inang ko.

nagdaan ang bolahan. nalimutan ko. kinalingguhan, tiningnan ko sa websayt ang resulta.

o-lats! talo ang aking tiket. di bale, sabi ko sa sarili ko. baka mas malaki pa riyan ang mapanalunan ko sa susunod. eh kaso po, di ko naman namalayan, nag exceed ako sa aking budget. deficit ako nung nakaraang linggo. nagpadala kasi ako ng pera sa aking inang. nasagad ko ang pinadala ko at ngayon, kuntodo tipid ang nangyari sa akin dito. di bale na. tutal, lingguhan naman ang sweldo. kaya martes ng gabi, ma-credit na sweldo ko. ang kaso, di nga ba ay ang tukmol kong GP ay pina-ikut-ikot ako kung saang ospital ako magpapa-xray? tas yung biyahe ko pa papunta sa clinic nya nung linggo? tas babalik pa ako sa kanya ng martes para sa resulta?

naku pow! para akong nakasakay sa taxi! panay ay tingin ko sa gauge ng gasolina. parang mauubos na sya! wag naman po! wag po, bayaw... este.. wag naman po sanang maubusan ako ng petrol! kaso, wala... kasubuan na ng lunes. alanganin na ako sa gasolina ko at malayo pa ang bibyahihin ko. nilinis ko muna bara ng lalamunan ko. *ehermmm*.... bossing? opo... bumale ako sa aking amo. ukinanam na yan! pakapalan na lang ng mukha kaysa naman itirik ako ng kotse sa kalsada gawa lang ng naubusan ng petrol. wala eh.. ganyan yata kapag ikaw ay ipinanganak na maralita. *hikbi* gagawin ang lahat para sa pamilya di baleng ikaw ang mahirapan. tanga ba ako?

ehehe... ayun na nga po. tinipid ko ang perang pinahiram sa akin ng amo ko. $15. sus! ang cheap ha? di ako nagpapakarga ng $15 lang. pero yan lang ang natitirang pera sa pitaka ng amo ko. swerte pa nga ako at may cash sya. bibili pa ako ng gamot. magbabayad ka pa sa doktor. magpapa-gas ka pa. aahahahahaha!! ano na? may matitira pa ba dyan? ala na noh? ready na ako sa dialogue ko sa clinic if ever. kasi, follow up check up lang yun. dapat, di nila ako singilin. kaso, gusto ko lang na ready ako if ever singilin ako kasi dati ay siningil ako kahit follow up check up lang. mag reklamo ka pa ba eh $10 lang naman ang singil nila.

paglabas ko, tinanong ko ang aking peyborit na receptionist. "do i need to pay?" check sya sa computer pero yung doctor na tumingin sa akin, sabi may bayad daw. pero sabi ni peyborit receptionist, ala raw. ahaayyyy!! thank goodness!

punta ako sa chemist. pabili nga po ng gamot! tatlong klase. meaning, $9 ang aking babayaran. cheap ko talaga! $9 lang, ala akong pambayad. ano ka? may natitira pa sa eftpos ko! tinawag ang pangalan ko at sinabi kung magkano babayaran ko. okies, sabi ko. "can i pay in eftpos $8? and ill give you $1. is that alright?" yes, shure! sabi naman ni tindera sa botika. o ha? dalawa na out sa problema ko. petrol na lang. masama titig ko sa gauge. aabot ba ako o aabot? sige, subukan. umabot pa naman. kaya inabot ko na ulit pabalik sa amo ko ang kanyang $15. hahahaah!! kakahiya! pero 'day! sa pinas ha? mahina ang loob ko kapag bumaba ng 500pesoses ang laman ng pitaka ko. kapag 100 pesoses na lang, mainit na ulo ko nun. pero dito, kita mo naman, barya-barya lang, you can go places. haayyyy tenk yu po Lord!

kaya kagabi, miyerkules, nakapag-pagasolina na ako. may iskedyul ako sa ospital kaninang umaga kaya minabuti ko ng magpakarga kaysa mag-alanganin na naman ako.


pero hindi yan ang totoong ikukwento ko po.


arekup!!

ngayon lang, palabas na ako ng kwarto ko, may napansin akong redirect mail para sa akin. ano ba yung re-direct mail? yun yung halimbawa mo ay umalis ka sa dati mong tinutuluyan at lilipat ka ng ibang lugar. punta ka lang sa post office mo dati, fill up ka ng form at kapag may sumulat sa iyo sa old address mo, ipo-forward nila ang mails mo sa bago mong address. o ha? gara ano?

nung umalis ako kina bumbastik noon, di ko naasikaso yun. malas! tingin ko ay maraming sulat na itinapon na lang ni bumbastik. may hinanap nga ako minsan sa kanyang package mula sa isang kaibigan na nagpadala ng sarong. ala na. wala daw natatangap ang bumbastik na ito! tsee!!!

kaya nung minsang nagawi ako sa post office, sinubukan kong mag fill-up ng form for re-direct mail.

hhmmm... wala.. wala akong natatanggap. yung ibang resulta kasi ng gamot ko dapat ay may kopya ako na manggagaling din sa mail. wala rin akong natatanggap. at eto na nga po. pagkita ko sa sulat, galing sa insurance company ng kotse ko. hhmmm... ano kaya ito? wala akong makitang dahilan para ako'y kanilang sulatan dahil na-renew na nila ang aking kotse at binigyan na ako ng kopya. ating buksan. tenk yu daw, sabi nung insurance company. hhmmm.. teka lang.. ano ito?

ahoyy!! petrol voucher! nyahahahahahahah!!!! ang gara! nung na-renew ang aking vehicle insurance, bumaba na ang premium kasi wala akong claim nung isang taon. tas may pasingit pa silang petrol voucher! yahooooo!! ang gara! (babaw ko talaga!)

tenk yu po talaga, Lord, for these small graces!

catastrophe

sayang! sayang at di ko napanood itong catastrophe na ito kagabi. kagabi pala palabas sa tv dito sa nz yung tungkol sa mount pinatubo. eh paano naman, alas nueve na yata ako nakauwi tas nag grocery pa ako. hanggang sa nalimutan ko na. eh palabas sya alas otso y media ng gabi. haay!!


nung isang araw na nagpunta ako sa doktor ko, shempre, di pwedeng hindi ako bibisita dun sa aking mga peyborit na second hand shops. ala lang... alang gaanong naging ma-appeal sa aking mga mata. dalawang shops pa naman yun. pero pag lakad-lakad ko pa pabalik sa kotse, may nakita akong bagong bukas na second hand shop. hhmmm.. mas maraming tao. sige nga, makiusyoso. ok naman ang loob. pero dun ako tumuloy sa dulo. hanef! ang kanilang books!!! makatulo laway, juice mio! puro mga hard-bound books na maaayos pa at mukhang di man lang nabuklat yata ng unang may ari. malilinis pati mga pahina! $1 each. ang sarap pakyawin! pero 3 lang ang binili ko.


salamat naman at biyernes na bukas. ala lang... nothing ispektakyular! gusto ko lang magpahinga. masyadong gamit na gamit ang aking utak ngayong linggong ito. nakakapagod!

damn if you do.....

damned if you don't!





AAAAARRRRRRRrrrrrrgggggghhhhhhhhhhh!!!!!!



hmmppp!!!!

ang salarin!

ang gulo ng mundo! sobra na talaga! nakita mo ba ang nangyari sa hurricane katrina? na sinundan ni hurricane rita? tas ngayon ay ang lindol sa pakistan? tsk! tsk! tsk! malapit na nga yatang magunaw ang mundo. takot ako! nag-eesep-esep na nga ako eh. paano kung dito lumindol? sino ang iiyak sa akin? sino ang kukuha ng bangkay ko? wala. wawa naman.

pero teka nga muning. bakit ba napunta dun ang usapan? ahh... eh kasi nga ang gulo! as in!

tingnan mo ha? mula noong nakaraang taon na nahirapan akong maglakad na parang may hika at sabi ng doktor na tumingin sa akin ay pangkaraniwang flu lang daw naman pala ay yun naman pala ay balot na balot na ng tubig ang baga ko, sinisikap ko na magpatingin na lamang dun sa talaga kong GP. ang problema, during weekdays na kung saan malapit ang kanyang clinic sa lugar ko, ay nahandon sya. kapag weekends naman, medyo malayo na. eh alam mo naman ang lola mo, medyo bano sa pagmamaneho kapag napalayo na ang rota ng sasakyan.

kaso nga, eto at may nararamdaman na naman ako, punta nga ako nung linggo sa doktor ko na malayo ang clinic kaya nagpasama ako sa aking flatmate. agad-agad nya akong pina-xray at blood test ng lunes. martes daw ay bumalik ako sa kanya.

o sige. sinulat nya ang ospital. bakit kako sa middlemore? malayo yan sa akin.

ahh... sabi naman nya. oo nga pala. dun ka nga pala banda dun. o sige. sinulat nya ang auckland hospital.

bakit kako dun? di ba pwedeng mas malapit? di daw at dun lang daw pwede.

o sge na nga. masama man sa loob ko, may magagawa pa ba ako? lunes ng umaga, sugod na nga po ako sa ospital. nakow! ke trapik pa! may isang oras kalahati yata akong nasa daan. inaantok-antok pa ako at gusto ko pang matulog.

punta ako sa radiology department. aba! kapag naman po talaga ika'y mamalasin. pinapapunta ako sa greenlane kung saan yun din ang sabi ko sa doktor na baka pwede sa greenlane hospital. nakipag-argue ako sa receptionist. di daw talaga pwede. kinuha nya ang number na lang ng employer ko pati na phone number. kakausapin daw nya. at siste? eh di umalis na ako at lipat dun sa isa pang ospital. bad trip talaga. sayang ang oras, ang pagod, ang parking fee ko! dapat ay i-reimburse nya yun ha?

"R-U-S-H" ang nakalagay dun sa request ng aking x-ray. pagkatapos akong makunan ng xray, sabi nung tsekwang babae sa xray room. "okay, you're done. the result will come out after 10 days!"

huh? nakikita mo ba kako yan? sabay turo dun sa request form na nakasulat ay "R-U-S-H". he needs that by tomorrow.

"okay" sabi nya ulet. "the result will come out tomorrow."

punta naman ako sa kuhaan ng dugo. kuntodo pikit na ang mga mata ko nung nakita kong malapit na akong kuhaan ng dugo. okay lang daw ba ako. tumango ako. bakit daw.. may masakit daw ba sa akin. ayaw ko kako ng karayom mo. natawa sa akin yung phlebotomist. nung isasaksak na yung karayom, wag daw akong tatalon at kaunti lang naman daw na kagat ang aking mararamdaman. haayyyy!!! aywan ko ba. para akong bata kapag kinukunan ng dugo. di pa rin ako masanay-sanay sa sakit ng karayom na yan.

martes ng umaga, nagpaalam na ako sa amo ko na male-late ako at didiretso kako ako sa doktor ko. oo daw. punta ako sa GP ko. pinag-antay ako. di naman pa nagtatagal, tinawag na ako. ibang doktor ang tumatawag sa akin. lapit ako sa receptionist. sabi ko ay yung si doktor ek-ek ang gusto ko. wala na daw dun at di na daw nagki-clinic yung GP ko. dun na daw sa malayong clinic. ay sus ginuu! nayamot ako. malayo talaga yung isang clinic na yun. mag-inarte pa ba ako? sabi ko sa sarili ko. tutal ay babasahin lang naman ang resulta sa akin. sige na. pwede ko ng pagtyagaan itong isang doktor na ito.

ang siste, blood test lang ang binasa. walang x-ray na lumalabas pa. haayyy!!! ok lang sila? pero ang verdict, ang aking thyroid, ay nag-iinarte rin. eh kasi, feeling ko ay ok na ako. minsan ay nalilimutan kong uminom ng gamot. ayun! sermon ang inabot ko sa proxing doktor. sa ngayon, di ko pa rin alam ang resulta ng xray. malamang-lamang alamang, sa 25th of this month na lang ang aking aabangan. tumawag ang ospital. may appointment daw ako ulet sa a-25 ng buwan. kaso, hindi na si doktor pasko ang titingin sa akin. tsk! tsk! tsk! sayang. gusto ko pa naman ang doktor na yun. lapit na pasko eh.

Wednesday, October 12, 2005

tenchu

tenchu po sa mga naghahanap sa akin dine sa aking hayd-awt! buhay pa po ako. more kwento when i get back. late na ko sa work eh. mag-update ako dito mamaya, pramis!